Mae’r tîm Ymgynghori Personol yn edrych ymlaen at gydweithio gyda Ceryl Davies, Ymchwilydd o Brifysgol Bangor, ar brosiect dwy flynedd i edrych ar y ffyrdd gorau i ymgysylltu a gweithio gyda phobl ifanc sydd â phrofiad o fyw mewn gofal. Rydym ar hyn o bryd yn gwneud cais am gyllid gan Ymchwil Iechyd a Gofal Cymru.
Mae dwy ran i’r broses ymgeisio ac mae llawer iawn ohonoch eisoes wedi cymryd rhan yn y rhan gychwynnol hon ac rydym yn ddiolchgar i bawb sydd wedi rhoi o’u hamser a mynegi cymaint o safbwyntiau meddylgar yn ystod ein sgyrsiau. Bydd hyn yn help garw i gefnogi’r cais, er hyn, ni fyddwn yn gwybod os byddwn wedi bod yn llwyddiannus neu beidio tan y flwyddyn nesaf ond, os byddwn ni wedi llwyddo, bydd y prosiect llawn yn dechrau ym mis Hydref 2022.
Dyma ein cam bach cyntaf i gymryd rhan mewn gwaith ymchwil hanfodol a fydd yn newid y ffordd mae gweithwyr proffesiynol yn ymgysylltu a gweithio gyda phobl sy’n gadael gofal yn y dyfodol.
Byddwn yn diweddaru’r blog wrth i ni fynd drwy’r broses ymgeisio ac os hoffech chi fod yn rhan o’r gwaith, cysylltwch â’ch Ymgynghorydd Personol neu anfonwch e-bost at personaladvisors@conwy.gov.uk
Gadael Sylw