Tîm Ymgynghori Personol: Llwybrau cefnogaeth

Drwy ein gwaith, bydd ein Hymgynghorwyr Personol yn aml yn dod ar draws y materion canlynol, neu bydd pobl yn gofyn iddyn nhw amdanyn nhw;

• • Sut galla’ i gadw fy hun yn ddiogel rhag niwed a heintiau a drosglwyddir yn rhywiol?
• • Beth ddylwn i ei wneud os bydda’ i’n beichiogi neu os ydw i eisiau terfynu’r beichiogrwydd?
• • Beth yw asesiad cyn geni a beth mae hyn yn ei olygu i mi?
• • Beth os bydd pobl o fy nghwmpas yn feirniadol bod person sy’n gadael gofal yn mynd i fod yn rhiant?
• • Dydw i ddim yn gwybod sut i ofalu am fabi
• • Rwyf eisiau bod yn feichiog fel bod gen i rywun i’w garu!
• • Mae fy mabi/plentyn yn cael ei gymryd oddi arna’ i
• • Dydw i ddim eisiau gofyn am gymorth rhag ofn iddo adlewyrchu’n wael arna’ i fel Mam neu Dad

Drwy ystyried yr holl bwyntiau uchod ac i gryfhau ein gwasanaethau cynnal rydym wedi datblygu’r 4 llwybr canlynol:

• Iechyd rhywiol a pherthnasoedd iach – mae hyn yn cynnwys cyngor am heintiau a drosglwyddir yn rhywiol, cyngor ar wirio bronnau a cheilliau a beth yw perthynas iach
• Eisiau bod yn feichiog a materion cysylltiedig – mae hyn yn cynnwys cyngor ariannol, gwybodaeth am lety a chyngor am fudd-daliadau
• Beichiogrwydd a rhianta cynnar – mae hyn yn cynnwys cyngor am beth i’w wneud os wyt ti’n meddwl dy fod yn feichiog, y dewisiadau sydd ar gael i ti os wyt ti’n feichiog a chynllunio ar gyfer rhianta cynnar
• Colli babi – mae hyn yn cynnwys cyngor a chyfarwyddyd o ran lle i gael cefnogaeth os bydd dy fabi’n marw neu os oes angen i dy fabi fynd i ofal yr awdurdod lleol.

I gael rhagor o wybodaeth, cysyllta â dy Ymgynghorydd Personol neu’r tîm Ymgynghori Personol ar ymgynghorwyrpersonol@conwy.gov.uk