Dosbarthiadau coginio’n araf

Cwrs coginio’n araf pedair wythnos AM DDIM 1.00 – 2.30 ar ddydd Iau, 6, 13, 20, 27 Ebrill. Dysgu sut i fwyta’n iach heb wario gormod mewn sesiwn hwyliog a chyfeillgar. Hyn a hyn o leoedd sydd ar gael. I gael mwy o wybodaeth neu i gadw lle cysylltwch â’ch Ymgynghorydd Personol neu Weithiwr Cymdeithasol. Cynhelir y dosbarthiadau yn yr Hwb @20, Ffordd yr Orsaf, Bae Colwyn

Everyone taking part receives a FREE slow cooker and fresh ingredients every week.

Dyma ddau rysait popty araf gwych – iach, sy’n siŵr o’ch llenwi ac yn eich cadw’n gynnes ar ddiwrnodau oer. Mae’r ddau wedi eu profi a’u blasu ac yn cael eu mwynhau gan yr unigolyn wnaeth eu hanfon i mewn!

Lobsgows

Yr hyn fyddwch ei angen i 2 o bobl:

Tua 350g o gig eidion wedi’i dorri

Tatws wedi ei malu (gallwch adael y croen os byddant wedi eu golchi’n lân, mae’n uchel mewn haearn), fel arfer 2 i 2 o bobl

Moron wedi eu malu (yr un fath â thatws gyda’r croen os dymunwch), fel arfer 2 i 2 o bobl.

Pys wedi eu rhewi neu mewn tun,

India corn wedi rhewi neu mewn tun

Swejen wedi’i malu (wedi rhewi neu ei malu’n barod yn haws gan y gall fod yn anodd iawn i dorri un ffres)

2 botyn stoc cig eidion a 2 botyn stoc llysiau (rwy’n defnyddio rhai Knorr)

Beth i’w wneud:

Rhowch y llysiau i gyd yn y popty araf ac ychwanegu dŵr wedi’i ferwi yna ei adael ar dymheredd isel am 5 awr – gorau po hiraf a dweud y gwir. Tua awr cyn amser cinio, rhowch y popty araf ar dymheredd uchel. Dewisol: ychwanegwch ronynnau grefi ar y diwedd i dewychu’r sudd. Ychwanegwch bupur a halen fel y dymunwch.

Mae’r saig hwn yn ddi-glwten heb y gronynnau grefi, hefyd mae’r saig hwn yn addas i bobl ag alergedd llaeth. Hefyd yn addas ar gyfer alergeddau nionyn heb y gronynnau grefi.

Cig Eidion Rhost

Defnyddiwch ddarn o gig i’w rostio – unrhyw un yn iawn. Ychwanegwch 2 botyn stoc cig eidion a 2 botyn stoc llysiau. Ychwanegwch ddŵr berwedig nes bydd wedi’i orchuddio, a phys a phupur a halen os dymunwch

Ychwanegwch y gronynnau grefi ar y diwedd i wneud eich grefi eich hun.

Coginiwch am 5 awr neu gymaint ag y medrwch ar dymheredd isel yna awr cyn cinio trowch y tymheredd i fyny i uchel.